Следи нѐ
To Top

ХИЛАРИ КЛИНТОН: Верата, јогата и „шардонето“ ми ја вратија силата по поразот на изборите

Молитвата, јогата и одредена дневна доза „шардоне” е рецептот кој ја опоравил поранешната државна секретарка на САД и некогашна прва дама, Хилари Клинтон, по поразот на минатогодишните претседателски избори, кога тесно загуби од Доналд Трамп.

Во говор во една црква во Њујорк, таа меѓу другото рече и дека до денот на изборите не верувала дека ќе изгуби, и дека на крајот била потполно поразена. Таа признава дека тогаш се чувствувала исцрпено, но „молитвите, јогата и малата дневна доза шардоне и ја вратиле силата“.

реклама

– Се свртев кон себе, внатрешната сила, кон семејството и пријателите. Користев некоку „алатки“, меѓу кои беше и молитвата. И, се издигнав благословена од многубројните молитви и духовни пораки што луѓето ми ги праќаа, рече Клинтон.

По поразот, Клинтон доцна попладнето на 9 ноември минатата година, одржа поздравен говор пред своите гласачи, но целата тежина од губењето на изборите, како што вели, ја почувствувала малку подоцна, кога со својот сопруг, поранешниот претседател на САД, Бил Клинтон, се нашле во својот автомобил.

– Бевме на задното седиште. Не можев ниту да проговорам, во мене веќе немаше сила, додава таа.

ПОВЕЌЕ ОД КАТЕГОРИЈАТА: Сцена

реклама
error: Содржината е заштитена со авторски права.