Поврзи се со нас
Маркетинг

Популарно.мк

ЛИГА ЕВРОПА: Зенит пресилен за Вардар

Спорт

ЛИГА ЕВРОПА: Зенит пресилен за Вардар

Екипата на Вардар доживеа убедлив пораз од Зенит со 5:0 на својот дебитантски настап во Лигата на Европа. Рускиот тим во целост ја оправда улогата на апсолутен фаворит и сосема заслужено ги освои бодовите во Скопје.

Победата на гостите од Санкт Петербург ја најави Александр Кокорин уште во 6.минута, а истиот играч во 21.минута зголеми на 2:0. Двата погодока Кокорин ги постигна со глава. До крајот на првото полувреме Артем Џуба постигна уште еден гол за Зенит. Во 66.минута Бранислав Ивановиќ по четврти пат ја затресе мрежата на Вардар, а конечниот резултат го постави резервниот играч Емилијано Ригиони во 89.минута.

Вардарци иако се трудеа во текот на целиот натпревар и имаа неколку обиди за гол, не успеаја да ја погодат целта и за својот првенец во второто по квалитет клупско континентално натпреварување ќе почекаат некоја шанса во следните рунди.

Натпреварот се одигра на полупразната „Телеком Арен“ но треба да се нагласи големата поддршка што „црвено-црните“ ја добиваа сите 90 минути од најверните навивачи „комити“ кои ги вратија на бис вардаровите фудбалери по крајот на средбата порачувајќи им дека и покрај високиот пораз и понатаму ќе може да сметаат на нивната помош од трибините.

На другиот натпревар од 1.коло во Л-групата Реал Сосиедад на свој терен со 4:0 го победи Розенборг.

Во следното коло Вардар на 28 септември ќе му гостува на Розенборг во Норвешка.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Спорт

Маркетинг
ДО ВРВ
error: Содржината е заштитена со авторски права.