Следи нѐ
To Top

Најголемиот дијамант од Боцвана продаден за 53 милиони долари

Необработен дијамант пронајден во африканската држава Боцвана, за кој се смета дека е најголемиот дијамант пронајден во изминатите 100 години, беше продаден за 53 милиони долари.

Британската компанија Граф го купи дијамантот и најави дека ќе ги ангажира своите најдобри експерти за да испланира како најдобро да се исече овој огромен скапоцен камен, јави новинската агенција ДПА.

реклама

Дијамантот, кој е со големина на тениско топче, беше пронајден во рудникот Лукара Карове во северниот дел на Боцвана. Тој тежи 1.109 карати и е наречен Леседи Ла Рона, што значи Нашата светлина на јазикот на локалниот народ Цвана.

– Ќе работиме ден и ноќ за достојно да го обработиме овој неверојатен дар на природата, соопштија од компанијата Граф.

Дијамантите претставуваат 80 проценти од вкупниот извоз на Боцвана.

ПОВЕЌЕ ОД КАТЕГОРИЈАТА: Занимливости

реклама
error: Содржината е заштитена со авторски права.