Поврзи се со нас

Популарно.мк

Засилено полициско присуство кај Кривичен суд за „Дива населба“

Вести

Засилено полициско присуство кај Кривичен суд за „Дива населба“

Засилено полициско присуство е забележливо претпладенво пред и во Кривичниот суд каде што денеска треба да биде соопштена пресудата за настаните во кумановската Дива населба во мај 2015 година во кои загинаа осуммина припадници на македонските безбедносни сили.

Сообраќајот пред судот се пренасочува, а повремено надлетуваат и полициски хеликоптери.

Судското рочиште на кое ќе биде објавена пресудата е закажано за 10:30 часот.

Пресудата за овој случај требаше да биде донесена на 17 октомври, но беше одложена поради локалните избори на  барање на МВР.

Обвинителството побара доживотен затвор за сите 37 обвинети за тероризам и терористичка организација. Адвокатите на обвинетите, пак, бараат ослободителни пресуди, бидејќи според нив има недостаток на докази за стореното кривично дело.

На 9 и на 10 мај 2015 година, во кумановската Дива населба вооружена група се судри со безбедносните сили. Во престрелката загинаа осум полицајци од специјалните и од посебните единици на МВР, додека четириесетина беа тешко повредени. Убиени беа и десет лица од вооружената група.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Вести

ДО ВРВ
error: Содржината е заштитена со авторски права.