//
Следи нѐ
To Top

НАУЧНИЦИТЕ ВО ПАНИКА: Пронајдена пластика во телата на морските суштества на дното на океанот

Научниците од Универзитетот во Њукасл дојдоа до шокантно откритие за време на истражувањето на долината Челинџер дип во Маријанскиот ров, познат како најдлабока точка на Земјата.

Тимот првпат најде пластика во стомаците на морските суштества на дното на океанот, што значи дека повеќе не постои  дел на светските океани до кој не допрел човечкиот отпад.

реклама

Секое суштество пронајдено на длабочина од 10.890 метри внесло во својот организам извесен вид вештачки материјали вклучувајќи и најлон кеси, ПВЦ и ПВА, пишува Индипендент.

Доктор Алан Џејмисон, професор по морнарска екологија и лидер на научни истражувања, рече дека резултатите се многу загрижувачки и дека бараат итна акција.

Тимот тестираше 90 видови школки во неколку ултрадлабоки ровови во Тихиот Океан – Маријански ров, Изу-Бонин вулкански ров, ров Перу-Чиле, ров Нови Хебриди и ров Кермадек.

Во секој од нив пронајдени се животни кои изеле некој вид вештачки влакна или пластики – од 50 проценти на Новите Хебриди, до сто проценти во Маријанскиот ров.

– Отпадот кој завршува во океаните достигнува до нивните најдлабоки точки, а еднаш кога ќе потоне на нивното дно, таму и останува. Тоа значи дека количеството пластика во рововите непрекинато се зголемува што е многу загрижувачки. Станува збор за глобални размери, рече Џејмисон.

Во океаните секоја година завршуваат повеќе од осум милиони тони пластика. Научниците претпоставуваат дека во морињата моментално се наоѓаат околу 300 милиони тони пластичен отпад, а до 2050 година во океаните ќе има повеќе пластика отколку риби.

Според предвидувањата на експертите во водите се наоѓаат приближно 51 билион микропластични честички, тоа е 500 пати повеќе од бојот на ѕвездите во нашата галаксија.

Поради загадувањето моментално загрозени се повеќе од 600 видови во целиот свет, поради што многумина оваа појава ја нарекуваат период на масовен помор на Земјата.

ПОВЕЌЕ ОД КАТЕГОРИЈАТА: Занимливости

  • Првиот пешачки 3-Д мост (видео)

    Во Шангај е пуштен во употреба најдолгиот бетонски пешачки мост на светот кој е изграден со технологија за 3-Д печатење. Автор...

    Информативна Редакцијаноември 17, 2017
  • Германeц се возел меѓу два вагона од воз со 200 километри на час

    Германeц кој патувал кон Хамбург со воз излегол да испуши цигара, па останал заглавен меѓу два вагона, во движење со брзина...

    Информативна Редакцијаноември 17, 2017
  • Кобила е „Австралијка на годината“

    Еден австралиски дневен весник номинираше кобила, како единствена кандидатка за избор на „личност“ која изминатава година покажа напорна работа, борбеност и...

    Информативна Редакцијаноември 17, 2017
реклама
error: Содржината е заштитена со авторски права.
%d bloggers like this: