Поврзи се со нас

Популарно.мк

Дваесет и четири годишно момче загина во сообраќајка на автопатот Неготино-Гевгелија

Вести

Дваесет и четири годишно момче загина во сообраќајка на автопатот Неготино-Гевгелија

Дваесет и четиригодишно момче загина во сообраќајка утрово на автопатот Неготино-Гевгелија. Како што информираше за МИА Верољуб Додевски, портпарол на СВР Велес, сообраќајната несреќа се случила околу 3.30 часот, кај местото викано Арсова Лака.

– Во незгодата учествувале патнички автомобил марка “сеат леон” со неготински регистарски ознаки управуван од 24-годишниот С.Ј од Неготино и патнички автомобил “мерцедес” со скопска регистрација, управуван од 65-годишниот Ѓ.Ч од Скопје, соопшти Додевски.

Возачот на сеатот починал на лице место, а возачот на мерцедесот со тешки телесни повреди бил префрлен во Општа болница Кавадарци.

Претходно, синоќа околу 20.30 часот, се случила уште една сообраќајка на територијата на општина Неготино, во близина на селото Криволак.

– Патнички автомобил со швајарски регистарски таблички управуван од 35-годишниот М.Н. од Криволак, излетал од патот, при што возачот се здобил со телесни повреди. Во возилото имало двајца сопатници. Едниот се здобил со телесни повреди, а другиот не. Повредените биле однесени во болница, па биле пуштени на домашно лекување, рече Додевски.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Вести

Маркетинг

Трендинг

ДО ВРВ
error: Содржината е заштитена со авторски права.