//
Следи нѐ
To Top

Температури под нулата, слаб снег во Крива Паланка

Во Македонија утрово е студено со температури под нулата скоро во сите градови. Исклучок се Дојран и Скопје каде се измерени еден степен и Гевгелија со три степени.

Најстудено е во Лазарополе со -8 степени, во Маврово, Крушево и Крива Паланка каде утринава температурата е -6 степени, во Штип, Дебар, Тополчани, Виница, Ѓуриште и Берово -4, Струмица, Куманово, Битола, Претор и Охрид -3, Прилеп и Демир Капија -2 и Тетово -1 степен.

реклама

Снег со слаб интензитет утринава врне во Крива Паланка.

Во текот на денот ќе биде променливо облачно, а во северните делови и на планините ќе врне повремен слаб снег. Ќе дува умерен до засилен северен ветер, кој на моменти ќе достигнува брзина и над 60км/час. Максималната температура ќе се движи од -2 до 7 степени.

Во Скопје слично време со услови за провејување на снег. Ќе дува умерен, повремено засилен северен ветер, а максималната температура ќе достигне до четири степени.

Утре облачноста веќе ќе се намалува, но ќе дува умерен северозападен ветер. Следува период на стабилно и суво време со пораст на дневните температури. Зголемување на облачноста се очекува од среда кон крајот на денот, а ноќта кон четврток и во четврток претпладне ќе има локални врнежи од дожд, а на планините од снег.

ПОВЕЌЕ ОД КАТЕГОРИЈАТА: Вести

реклама
error: Содржината е заштитена со авторски права.
%d bloggers like this: