//
Следи нѐ
To Top

Новогодишниот караван „И јас сум Дедо мраз“ на „Проект среќа“ израдува илјада деца низ Македонија

Околу 450 дечиња кои живеат во сиромаштија добија подароци од пријателите на здружението „Проект среќа“ во рамките на акцијата „И јас сум Дедо мраз“.

Новогодишната кампања почна на 1 декември со цел да обезбеди новогодишни подароци за децата чии семејства не можат да си дозволат да им ги купат. Како изненадување, подароците во нивните домови или во институциите каде што претстојуваат, им ги донесе лично Дедо Мраз.

реклама

Дедо мразот на „Проект среќа“ е се уште на пат низ Македонија, и планирано е да се израдуваат вкупно околу 1.000 деца. Повеќе македонски јавни личности и компании донираа подароци за нив.

– „Овој хуманитарен проект направи рекорди во колективното донирање и хуманост. Особено со оглед на тоа што се работи за нови, купени работи специјално за оваа намена од страна на оние кои донираа. Рекордер во акцијава е „Комерцијална банка“ со 400 донирани подароци. Покровител на акцијата е компанијата „Comfy Angel“ од Прилеп. Секое дете беше лично посетено. Застанувавме по пат во секоја куќа што ни изгледаше како место во кое на децата им треба новогодишна среќа, особено низ селата. Наидовме на огромен одзив од јавните личности и од компаниите. Во акцијата не се вклучија политичари и кондиторски фабрики“, изјави Кристина Арнаудова, претседател на здружението „Проект среќа“.

Караванот на здружението помина повеќе домашни села и општини, како и институции: градинката „Мали пријатели“ во Шуто Оризари, дневниот центар „Шуто Оризари“, се донираше и за децата бездомници згрижени во центарот „Ранка Милановиќ“, во училиштето „Братство и единство“ во селото Долно Коњари.

„Проект среќа“ ќе помогне и на Благородна Димитриевска од Куманово, самохрана мајка на три деца која живее без социјална помош.

ПОВЕЌЕ ОД КАТЕГОРИЈАТА: Занимливости

  • Првиот пешачки 3-Д мост (видео)

    Во Шангај е пуштен во употреба најдолгиот бетонски пешачки мост на светот кој е изграден со технологија за 3-Д печатење. Автор...

    Информативна Редакцијадекември 28, 2017
  • Германeц се возел меѓу два вагона од воз со 200 километри на час

    Германeц кој патувал кон Хамбург со воз излегол да испуши цигара, па останал заглавен меѓу два вагона, во движење со брзина...

    Информативна Редакцијадекември 28, 2017
  • Кобила е „Австралијка на годината“

    Еден австралиски дневен весник номинираше кобила, како единствена кандидатка за избор на „личност“ која изминатава година покажа напорна работа, борбеност и...

    Информативна Редакцијадекември 28, 2017
реклама
error: Содржината е заштитена со авторски права.
%d bloggers like this: