Поврзи се со нас

Популарно.мк

Првото бебе во 2018, малата Теодора, доби штедна книшка од Град Скопје

Вести

Првото бебе во 2018, малата Теодора, доби штедна книшка од Град Скопје

Првороденото бебе во 2018 година во Скопје денеска доби штедна книшка со 20 илјади денари. Бебето и мајката на Клиниката за гинекологија и акушерство ги посетија министерот за здравство Венко Филипче, министерката за труд и социјална политика Мила Царовска и градоначалникот на Град Скопје, Петре Шилегов.

Градоначалникот Шилегов изјави дека традиционално на најмладата скопјанка, малата Теодора и подариле мече и штедна книшка.

–  Горд сум што можев да им го честитам на родителите нивното второ дете. Посакавме тоа мало девојче да израсне во голема девојка и да биде дел од Градот Скопје, истакна Шилегов.

Министерот за здравство Венко Филипче изјави дека на среќните родители им го честитале второто дете во семејството и им посакале да расне здраво и ги викнат на првиот роденден.

Министерката Царовска нагласи дека како Влада се грижат за секое дете во државата и најави дека во иднина ќе работат на подоборување на квалитетот на предучилишното образование.

На Клиниката за гинекологија и акушерство, како што информира директорката Адела Поп Стефанија, утринава се родиле вкупно 10 бебиња.

Првото бебе е родено една минута по полноќ и е втора рожба на мајката Борјана Радевска од Скопје. Бебето е тешко  три килограми и  70 грама  и долго 49 сантиметри.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Вести

Маркетинг

Трендинг

ДО ВРВ
error: Содржината е заштитена со авторски права.