Поврзи се со нас

Популарно.мк

Воздухот во Скопје доволно чист – укинати вонредните мерки и бесплатниот превоз во ЈСП

Вести

Воздухот во Скопје доволно чист – укинати вонредните мерки и бесплатниот превоз во ЈСП

Од утре престануваат да важат мерките воведени поради зголеменото загадување на воздухот, соопшти попладнево Министерството за животна средина и просторно планирање.

Од Министерството соопштуваат дека податоците од мерењето на загадувањето на воздухот вчера покажале дека штетните честици се под дефинираниот праг за алармирање, па затоа од утре, четврток, 11.01.2018 година, мерките престануваат да важат.

Мерките беа активирани на 8 јануари откако два дена последователно имаше големо загадување на воздухот во Скопје.

Една од мерките беше бесплатен јавен превоз во сите автобуси на ЈСП Скопје и кај приватните превозници, која беше веднаш укината.

„Почитувани патници,Ве известуваме дека мерките за бесплатен превоз во автобусите на ЈСП и на приватните превозници ПРЕСТАНУВА од овој момент(16,00 часот) 10.01.2018. Ви благодариме за разбирањето“, пишува во соопштението на ЈСП објавено на вебсајтот на претпријатието.

Патници кои се наоѓале во автобусите во 16 часот знаејќи дека превозот е бесплатен, на социјалните мрежи споделуваат непријатни искуства.

„Бесплатен автобуски превоз, се качуваш во автобус, се возиш некои 15 минути, одеднаш возачот застанува на семафор и вика ‘Ми стигна порака, од овој момент натака превозот се наплаќа, куцајте картичките“, пишуваат граѓаните на социјалните мрежи.

И од Градот Скопје во соопштение претходно известија дека бесплатниот превоз во автобусите на јавниот градски превоз се укинува од утре, четврток 11 јануари.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Вести

ДО ВРВ
error: Содржината е заштитена со авторски права.