Следи нѐ
To Top

Врнежи од снег во делови од земјата

Сообраќајот на патиштата се одвива по влажни коловози. Во делови од земјата има врнежи од снег, но тие не претставуваат пречка за одвивање на сообраќајот, соопшти АМСМ.

Врнежи со среден интензитет има на Страцин, а со слаб интензитет има во Крива Паланка, Попова Шапка, Гостивар, Маврово, Крушево, Буково, Ѓавато, Плетвар, Пресека, Делчево, Павлешенци и Смојмирово. Во Дебар има повремени врнежи од дожд и снег.

реклама

Интензитетот на сообраќајот на патните правци надвор од градските средини е умерен. На граничните премини од македонска страна нема подолги задржувања за влез и за излез од државата.

АМСМ препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани – Македонска Каменица – Делчево, Виница – Берово, Гостивар – Стража, Маврово – Дебар – Струга, Демир Капија – Удово, Катланово – Велес, Крушево – Демир Хисар и Ресен – Буково.

ПОВЕЌЕ ОД КАТЕГОРИЈАТА: Вести

реклама
error: Содржината е заштитена со авторски права.