Следи нѐ
To Top

Македонија ја победи Црна Гора и се избори за втора фаза на ЕП

Репрезентацијата на Македонија ја запиша втората победа на ракометното Европско првенство во Хрватска и си обезбеди пласман во втората фаза. Вечерва во Загреб, македонските ракометари беа подобри од Црна Гора со 29:28 за максимални четири бода и прво место на табелата во Ц-групата по две одиграни рунди.

Избраниците на селекторот Раул Гонзалес покрај тоа што си го обезбедија учеството во следниот круг, таму ќе пренесат најмалку два бода што е предуслов плус за висок пласман, па дури и атак на полуфиналето доколку в среда против Германија се одигра барем нерешено.

реклама

„Црвено-жолтите“ бодрени од преку три илјади македонски навивачи присутни во „Арена Загреб“ покажаа дека саботниот триумф над Словенија не бил случаен. Црногорците немаа доволно сили до крај да им се спротивстават на Кирил Лазаров и неговите соиграчи кои го добро го отворија натпреварот со водство од 2:0 и 4:2. Следуваше серија на противникот од 4:0 за резултатски пресврт. По највисоките три гола плус за Црна Гора, македонските ракометари заиграа поцврсто во одбраната и успеаја да изедначат во 20.минута на 10:10. Сепак, со предност од еден гол (16:15) за Црна Гора се отиде на пауза.

Со цврста одбрана и сигурен напад постепено во 40.минута се стигна до 19:19. По три минути Македонија се врати во водство преку Дејан Манасков, а во следниот напад Филип Кузмановски зголеми на 21:19. Нашата репрезентација стигна и до плус четири, но дозволи да се влезе во драматичен финиш во кој беше поуспешна.

Најефикасни во победничкиот тим беа Филип Кузмановски со пет, Кирил Лазаров и Дејан Манасков со по четири погодоци.

Претходно, во првиот дуел од оваа група, Германија и Словенија одиграа нерешено 25:25.

Табела Ц-Група: Македонија 4 бода, Германија 3, Словенија 1, Црна Гора 0.

Македонија во третото коло в среда од 18:15 часот игра со Германија во дуел за првото место.

ПОВЕЌЕ ОД КАТЕГОРИЈАТА: Ракомет

  • Вардарци пристигнаа во Келн
    Вардарци пристигнаа во Келн

    Ракометарите на Вардар денеска пристигнаа во Келн каде викендов ќе ги играат натпреварите на Ф4 турнирот во Лигата на шампионите. реклама

    Информативна Редакцијајануари 16, 2018
  • Вардар остана без трофеј, Ѓер ја одбрани титулата
    Вардар остана без трофеј, Ѓер ја одбрани титулата

    Ракометарките на Вардар беа поразени со минимални 27:26 од актуелниот европски првак Ѓер во финалето на Ф4 турнирот од Лигата на...

    Информативна Редакцијајануари 16, 2018
  • Вардар против Монпелје во полуфиналето на ЛШ
    Вардар против Монпелје во полуфиналето на ЛШ

    Екипата на европскиот ракометен шампион Вардар ќе игра против Монпелје во полуфиналето на овогодинешното издание на Лигата на шампионите, кое ќе...

    Информативна Редакцијајануари 16, 2018
реклама
error: Содржината е заштитена со авторски права.