//
Следи нѐ
To Top

Најмногу дожд наврнат во Лазарополе

Во изминатото деноноќие најмногу дожд наврна во Лазарополе. Според мерењата на УХМР наврнат е воден талот од 92 литри на метар квадратен.

До осум часот утрово наврнати се Маврово 71 литар на метар квадратен, Пожаране 68, Крушево 65, Тетово 52, Скопје-Зајчев Рид 48, Дебар 43, Охрид 38, Претор 34, Тополчани и Битола 26, Прилеп 25, Берово 18, Крива Паланка 17, Виница осум, Демир Капија и Ѓуриште седум, Скопје-Петровец, Струмица и Штип шест, Дорајн четири и три литри во Гевгелија.

реклама

Снег има на Маврово и Лазарополе. Снежната покривка изнесува во Маврово еден сантиметар во Лазарополе шест.

Минималните температури биле позитивни секаде во земјата и се  движеле од нула во  Крушево, Маврово и Лазарополе, три во Претор, четири во Пожаране, Охрид, Ѓуриште и Тополчани, пет во Крива Паланка, Дебар и Берово, шест во Прилеп, Скопје Петровец, Тетово и Битола, седум во Скопје и Виница, осум во Штип, девет во Струмица и  Демир Капија до 10 во Гевгелија и Дојран.

Претпладнево времето е облачно во јужните делови со врнежи од дожд кои се со послаб интензитет, а на планините и на повисоките места со повремен снег. Дува слаб до умерен ветер од западен, а вдолж Повардарието од северозападен правец.До крајот на денот облачноста ќе се намалува. Ќе дува слаб до умерен  западен, a долж Повардарието северозападен ветер. Највисоката дневна температура на воздухот ќе биде во интервалот од осум до 15 степени.

Во Скопје времето променливо облачно со слаб до умерен  северозападен ветер. Највисоката температура на воздухот ќе достигне до 12 степени.

Утре и во вторник ќе настапи преодно стабилизирање на времето, и ќе преовладува сончево со мала до умерена облачност.

ПОВЕЌЕ ОД КАТЕГОРИЈАТА: Вести

реклама
error: Содржината е заштитена со авторски права.