Следи нѐ
To Top

„Тандеми“ го промовираa најновиот емотивен спот за песната „Гурбет“

Оваа скопска група, преку песната и спотот го опишува животот на сиромавиот човек. Тие очекуваат позитивна критика од музичката јавност, со оглед на преголемиот труд кој го вложија во овој видео запис, како и пред се добро осмисленото сценарио.

– „Навистина се радуваме на нашето ново видео, кое всушност е краткометражен филм и една сликовита приказна, за песната „Гурбет“. Со оглед на ладното време, но и желбата да направиме квалитетно видео, навистина се помачивме, но на крајот излезе токму онака како што сакавме. Благодариме на „ИН продукција“, манастирот „Св Никита“ и девојките од К.У.Д. „Скопје“. Сакаме публиката да ужива во сработеното“, велат момците од бендот.

реклама

Ова е прва нивна наменска песна и очекуваат пред се да биде позитивно прифатена од публиката, но не го кријат задоволството доколку бидат поканети на турнеја во далечната земја Австралија.

– „Сите прават наменски песни за печалби, свадби, крштевки… , ова е наша прва наменска песна. Досега сме немале – ваков стил, единствено само “Илино моме” и мислам дека требаше да се закитиме со еден ваков видео запис и ваква песна“, додава Горан од „Тандеми“.

„Тандеми“ за оваа 2018 година најавуваат уште еден куп новитети. Очекувајќи ги нив, уживајте во видеото за песната „Гурбет“.

ПОВЕЌЕ ОД КАТЕГОРИЈАТА: МК Сцена

реклама
error: Содржината е заштитена со авторски права.