Следи нѐ
To Top

Мадона за 60. роденден собира средства за децата од Малави

Мадона својот 60. роденден ќе го одбележи со акција за собирање на средства за децата од Малави, која започна денеска и ќе трае до 31-ви август, а ќе биде спроведена во соработка со Фејсбук.

Заинтересираните ќе можат донациите да ги уплатат директно преку нејзината официјална страница на оваа социјална мрежа, а собраните средства ќе бидат наменети за фондацијата „Рајзинг Малави“.

реклама

– Посветена сум да им обезбедам дом на овие загрозени деца. За мојот роденден не можам да замислам подобар подарок, истакна Мадона која на 16-ти август ќе наполни 60 години.

Мадона посвои четири деца од Малави, а фондацијата „Рајзинг Малави“ ја основа во 2006 година. Средствата кои ќе бидат собрани за нејзиниот 60. роденден ќе бидат искористени за храна, училишна опрема и за здравствена заштита за загрозените деца од оваа африканска држава.

ПОВЕЌЕ ОД КАТЕГОРИЈАТА: Сцена

реклама
error: Содржината е заштитена со авторски права.