Поврзи се со нас

Популарно.мк

ХУМАНА ТРАДИЦИЈА: Скопјани даруваат крв по повод празникот Голема Богородица

Вести

ХУМАНА ТРАДИЦИЈА: Скопјани даруваат крв по повод празникот Голема Богородица

Општинската организација на Црвен крст – Центар во соработка со Институтот за трансфузиона медицина и оваа година по 16-ти пат ја реализираaт традиционалната крводарителска акција по повод празникот Голема Богородица.

Акцијата се одржува денес, од 9 до 17 часот во Домот на АРМ.

Инаку оваа крводарителска акција има долга традиција со голем одзив од страна на граѓаните на Скопје.

Валентина Колеска, секретар на општинската организација на Црвен крст – Центар потенцира дека веќе 16 години, околу 150 крводарители постојано се приклучуваат на акцијата. Има сѐ повеќе млади луѓе, првократни дарители.

– „Оваа акција веќе 15 години по ред покажува резултати на голема хуманост на граѓаните на град Скопје. Во 2003-та година, кога за првпат беше организирана, бројката на крводарители беше 146, додека како резултат на нејзината традиција и препознатливост, во 2017 година 210 граѓани ја покажаа својата хуманост со дарување на крв.“ – вели Колеска.

Целта на акцијата е да се обезбедат поголеми количини на крв во летниот период, заради можностите од недостаток на крв и крвни деривати.

Организаторите велат дека традицијата покажува резултати на голема хуманост на граѓаните на град Скопје. Вкупната бројка на реализирани крвни единици за овие 15 години е 3444 крводарувања, или во просек 230 крводарители по акција.

Колеска изразува надеж дека скопјани и сите посетители на главниот град ќе даруваат крв.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Вести

Маркетинг

Трендинг

ДО ВРВ
error: Содржината е заштитена со авторски права.