Поврзи се со нас
Маркетинг

Популарно.мк

Во сабота започнува првиот фестивал на улична храна “Вкусот на Скопје”!

Храна и пијалоци

Во сабота започнува првиот фестивал на улична храна “Вкусот на Скопје”!

Во сабота започнува првиот фестивал на улична храна “Вкусот на Скопје”!

Викендов започнува долгоочекуваниот фестивал на улична храна “Вкусот на Скопје”, во организација на Моментум Инк. Фестивалот, кој по својата природа е единствен во околината, ќе не однесе во една поинаква реалност – далеку позабавна и повкусна од нашето секојдневие!

Официјалниот почеток на настанот е закажан во сабота, од 11.00ч, а веќе во 12.00ч ќе ги проследиме Nu House & Friends со нивната интерактивна вкусна работилница. Во текот на денот преку пикник ќе ја проследиме магијата на готвачот Cooking with Branko, а веднаш потоа Bonita Vita ќе ни ги презентираат нивните вкусни органски намази! Убавите нешта, уникатноста и возбудата се она што фестивалот го слави, па така ќе имаме можност да погледнеме како се креираат уникатните букети што се јадат на Букет среќа, ќе чуеме долго чувани тајни и научиме корисни совети со Се’ за храна, а ќе отвориме нови перспективи преку презентацијата на Готвиме со Теа која ќе креира Цезар салата од еден поинаков агол!

Од 18.00ч, површините на паркот ќе ги претвориме во подиум – ќе танцуваме и ќе се забавуваме со нашиот DJ Boogieman.

Ни неделата нема да е помалку возбудлива: Zaum Organic ќе ги донесат своите органски путери од лешник, а веднаш после нив следни вистинска слатка бомба од вкусови – Donutbar Skopje ќе не внесат во нивната кујна и ќе не научат како да припремиме највкусни крофни! Неделното попладне ќе биде збогатено со уникатните вкусови на брендот Леска на Пеце Клечкаровски, по чиј настап ќе следни и кратка дегустација. Slow Food Vodno ќе ни презентираат гастрономска култура инспирирана од традицијата, Тазе пуканки ќе создадат филмска атмосфера со нивните пуканки, а на крајот Нутриционист Консалтинг ќе не подучат на тема исхрана со својата презентација “Македонската кујна некогаш и сега”.

Запознајте се со учесниците на фестивалот на официјалната Facebook страна, и секако, следете го официјалниот настан за дополнителни информации и изненадувања.

Се гледаме овој викенд… а до тогаш, останете гладни!

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Храна и пијалоци

Маркетинг
ДО ВРВ
error: Содржината е заштитена со авторски права.