Поврзи се со нас
Маркетинг

Популарно.мк

Сѐ што ти треба се Ареа, Казалиште, Бајага… и малку љубов! (ФОТОГАЛЕРИЈА)

МК Сцена

Сѐ што ти треба се Ареа, Казалиште, Бајага… и малку љубов! (ФОТОГАЛЕРИЈА)

Зошто малку љубов? Затоа што само малку љубов е потребна за да го придвижи светот кон подобро! А, вчеравечер во „Борис Трајковски“ љубов имавме во големи количини, во публиката, но и на бината… Затоа, малку изменета и дополнета познатата песна на Битлси, би звучела, сѐ што ти треба се Ареа, Прљаво Казалиште, Бајага… и малку љубов!

Спектакуларниот концерт во организација на Авалон продукција ја преполни арената „Борис Трајковски“, со надеж дека ќе прерасне во фестивал што ќе се одржува секоја година пред празниците.

Први на сцената настапија „Деца из воде“, трибјут бендот посветен на „Екатерина велика“ кои само ја вжештија атмосферата за, според посетителите, ѕвездите на вечерта, Ареа.

Публиката, желна за македонска музика, уживаше во едноипол часовниот настап на Ружица, Ивица и нивниот бенд кои ги пееја познатите хитови на Ареа, но и некои нови, со кои најавија дека после големата пауза повторно ќе се „активираат“ на македонската сцена. Енергичниот настап на Ружица уште еднаш потврди дека музиката никогаш не старее, а тука беа и фановите кои на глас ги пееја сите песна на Ареа.

tanurovski-2575

На дружењето со новинарите, тие на смеа изјавија:

– „За последните песни коишто ги направивме имавме малку судир со Ружица. Таа сака да користи и модерна електроника во песните, па можно е да има и нешто модерно, но во основа ќе биде жив рок ен рол, со живи инструменти“ – вели Ивица.

Концертниот маратон продолжи со хрватската рок група „Прљаво Казалиште“, кои како во своите најдобри денови скоро 2 часа скокаа и врискаа на бината, изведувајќи дел од старите, но и новите песни, секако, добро познати кај присутната публика – „Ми плешемо“, „Хероj улице“, „Не зови мама, доктора“ и многу други.

Пред самиот крај на нивниот настап ја испеаја „Македонско девојче“, а на моменти публиката беше толку гласна, што Младен и Јасенко и оставија на публиката да ја доврши песната. Нивниот настап заврши со големиот хит „Марина“ кој ги остави присутните без глас од пеење.

tanurovski-2664

Финалето на скоро шестчасовниот концертен спектакл заврши со настапот на Бајага. Овој пат Бајага имаше необичен избор на песни, не многу комерцијални, но сепак публиката беше повеќе од задоволна. „Зажмури“, „Тишина“, „Весела песма“, „Јер ти се љубиш“, „Кад ходаш“, „Лепа Јања“, „Плави сафир“, „Песна против малери“…уште еднаш прозвучеа одлично и покажаа дека Бајага со право е толку многу години на самиот врв на рок сцената.

15241409_1456170867744269_6344446691731012095_n

„Авалон“ со одличен настан ја затвори историската концертна година. Со најголемата рок журка.

Во продолжение погледнете дел од атмосферата на концертот низ објективот на нашиот фоторепортер Драган Тануровски.

tanurovski-2395tanurovski-2407tanurovski-2414tanurovski-2459tanurovski-2471tanurovski-2525tanurovski-2556tanurovski-2594tanurovski-2605tanurovski-2624tanurovski-2625tanurovski-2664tanurovski-266515241409_1456170867744269_6344446691731012095_n15220039_1456171094410913_4117892737589079941_n
<
>

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од МК Сцена

Маркетинг
ДО ВРВ
error: Содржината е заштитена со авторски права.