Гламурозна и елегантна: Сабрина Карпентер блесна во нова фотосесија за „Vogue“

Поп-ѕвездата Сабрина Карпентер се појави на насловната на „Vogue“, во винтиџ корсет и руси локни, што многумина ги потсети на Мерилин Монро.

Во видеото што го придружува едиторијалот, таа ги менува стајлинзите, претставувајќи различни алтер ега.

Сабрина е една од најголемите ѕвезди на новата генерација, со хитот „Espresso“, кој стана вирален на TikTok и Spotify, а кариерата ѝ ја поддржа и Тејлор Свифт.

Освен со музика, таа сè почесто привлекува внимание и со својот уникатен моден стил, кој ја позиционира како една од највлијателните млади ѕвезди на денешницата.