Зошто се слави „Халовин“?

Додека некои мислат дека Ноќта на вештерките е само уште еден глупав американски празник, други се радуваат на се она што тој го носи.

„Халовин“, што поточно е скратеница од „All Hallow’s Eve“ или „Hallow Eve“ (Ноќ на Сите Свети), станува се популарен празник и кај нас.

Според ирската легенда за овој празник, извесен ковач Џек О’Лантер го измамил ѓавлот, кој за казна го испратил да живее во постојан мрак.

Бидејќи не можел да помине на другата страна, односно да дојде до светлината, Џек направил дупка во тиквата што ја имал со себе и во неа ставил неколку жарчиња, со што создал ламба која му го осветлувала патот.

Така Џек станал симбол на проколнатите души кои талкаат во ноќата.

Но, за разлика од оваа легенда, денес „Халовин“ се повеќе е синоним за луди забави под маски.