Настани
„Skopje Unplugged“ годинава со поддршка на македонските изведувачи
Во винаријата Камник, на 17 јули во 19:07 часот годинава ќе се одржи најновото издание на фестивалот „Skopje Unplugged“. Фокусот, како што соопштија организаторите, ќе биде ставен на македонските изведувачи на кои најмногу им е потребна поддршка во овие времиња.
„Оваа година на исклучително интересна локација, во винаријата Камник, ќе имате ексклузивна можност да ги проследите едни од најголемите македонски музички бисери. Извонредните Фолтин, Сара Мејс и Тамара Тодевска на сцената ќе блеснат во акустично прилагоден сет специјално подготвен за оваа пригода. Време е за музика, за создавање магични моменти во прекрасна атмосфера на зајдисонце, време е за Skopje Unplugged на 17.07 (петок) со почеток во 19 часот и 7 минути попладне“, соопштија организаторите.
