ПОРОДЕНА ВО ТАЈНОСТ: Ирина Шајк и Бредли Купер станаа родители

Честитки! Ако му веруваме на магазинот „Пипл“, згодните заљубени гулапчиња Бредли и Ирина го добиле своето прво дете. И тоа пред две недели!

Тоа се информациите до кои можеа да дојдат големите магазини во Америка, но дали е во прашање момче или девојче, или како ќе се вика новороденото бебе, не можеме да дознаеме.

Магазинот „Пипл“ објави дека бебето се родило уште пред две недели и мајката и бебето се во добра состојба.

Шајк својот труднички стомак го покажа за првпат на модното шоу на „Викторија Сикрет“ уште во ноември. Одма по настанот, нејзиниот пр менаџер за медиумите потврди дека е трудна, па така Ирина стана првиот „ангел“ кој во текот на бременоста прошета на модната писта.

Земајќи го предвид фактот колку Бредли и Ирина се претпазливи, не се ни сомневаме дека детето ќе го чуваат далеку од очите на јавноста.