Поврзи се со нас
Маркетинг

Популарно.мк

Централна прослава пред Владата по повод независноста на Македонија

Вести

Централна прослава пред Владата по повод независноста на Македонија

Под слоганот „Македонија слободна, слободно живее“ вечерва пред платото на Владата ќе се одржи централната прослава по повод 26-годишнината од осамостојувањето на Македонија.

Домаќин на централната прослава по повод Денот на независноста годинава е Владата на Република Македонија пред чие плато ќе бидат поставени интерактивни уметнички инсталации. Ќе биде изведена детската претстава „Маша и нејзината приказна“, а танц студиото „Данцерс Унитед Мк“ ќе изведе инклузивен танцов настап на професионални танчари со типичен развој и со танчари со попреченост.

Настап ќе имаат и Гудачкиот квартет – ВИВА стинг, Хорот при Македонската Опера и Балет, Биг Бенд на Здружението на џез музичари на Македонија, Љубојна со специјалниот гостин Џамбо Анѓушев, Бени и Нон Стоп со Златко Ориѓански, Влатко Стефановски Трио, Кпурдат, Шутка Рома Рап и Слаткаристика.

Во рамки на централната прослава предвидено е да се обрати и претседателот на македонската Влада, Зоран Заев.

Претпладне, владина делегација ќе ја посети реставрираната спомен куќа на Блаже Конески во село Небрегово.

Одбележувањето на Денот на независноста започна вчера попладне со спортскиот настан „Трчај, играј, активирај се“ во организација на Агенцијата за млади и спорт.

Во рамки на тридневното одбележување утре делегација предводена од претседателот на Владата Зоран Заев на гробиштата во Бутел ќе положи цвеќе на гробот на поранешните претседатели на државата Киро Глигоров и Борис Трајковски, а делегација предводена од министерката за труд и социјална политика Мила Царовска ќе положи цвеќе пред споменикот „Ослободители на Скопје“. Во организација на Министерството за одбрана во Крушево ќе се организира искачување на Бушева Планина „Заедно кон врвот“.

Република Македонија одбележува 26 години од успешно спроведениот референдум на кој македонските граѓани се изјаснија за самостојна и суверена држава. Убедливо мнозинство, над 95 отсто од граѓаните што излегоа на референдумот, на 8 септември 1991 година, позитивно одговорија на референдумско прашање „Дали сте за самостојна Македонија со право да стапи во иден сојуз на суверени држави на Југославија“.

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Вести

Маркетинг
ДО ВРВ
error: Содржината е заштитена со авторски права.