ФОТОГАЛЕРИЈА: Hugo Boss ја објави колекцијата есен/зима 2015

Најпознатите фотографи Инез ван Ламсвеерд и Винуд Матадин ја покажуваат својата брилијантна магија преку сликањето за новата машка колекција на BOSS за кампањата есен/зима 2015, во соработка со францускиот модел Клемент Шаберно. Дуото се смета за едни од најважните и највлијателни модни фотографи на ова време.

Во студио во Лос Анџелес, колекцијата триумфира преку користењето на сенките и светлото во комбинација со иновативната и драматична слоевита позадина, која е налик антрацит.

Острите кројки и темно црвените бои се истакнати со маестрално користење на светлото, надополнети со одлично одиграната поза на моделот, кој неодамна се појави на насловната на машкиот Вог.

Првпат соработувајќи со BOSS, Шаберно совршено ја „проширува“ збиената визија на снимањето. Длабокиот поглед на моделот, комбиниран со раскошот на кадифената позадина, ја нагласува храбрата и прецизна природа на самата колекција, привлекувајќи го вниманието на синтетичките и налик органски текстури.

Струкираните палта и рафинираните јакни во неутрални тонови ја дефинираат оваа исклучителна модерна колекција, која исто така е надополнета со модни додатоци како што се големите кожни викенд-торби и безвременските, софистицирани очила за сонце.