Јелена Розга стави крај на шпекулациите: „Среќна сум и заљубена, но свадба не планирам!“

Изминативе недели се појавија шпекулации дека Јелена Розга е во романтична врска со Иван Хуљиќ, синот на познатиот композитор Тончи Хуљиќ.

Српските медиуми дури објавија и нивни заеднички фотографии, тврдејќи дека двојката ќе се венча оваа есен. Сепак, поп-ѕвездата ги демантираше овие информации.

👉 „Да, среќна сум и заљубена, тоа е вистина. Но, да се омажам? Не, не толку брзо! Полека, има време за сè. А особено нема да правам две свадби, како што се зборува“, изјави Розга за хрватскиот „Стори“.

Пејачката се осврна и на медиумските гласини, велејќи дека веќе не се оптоварува со шпекулации.

💬 „Порано ги читав сите написи за мене, дури и се ‘гуглав’, но сфатив дека тоа само ме нервира. Сега повеќе не ме допираат лагите и невистините“, искрено призна таа.

Дали мислите дека наскоро сепак ќе слушнеме свадбени ѕвона за Јелена? 👰💍