Балканските ѕвезди ја избраа егзотиката: Малдиви наместо зима!

Балканската естрада ја замени зимата со тропско сонце! Додека кај нас температурите се ниски, дел од најпознатите јавни личности ги спакуваа куферите и заминаа на една од најлуксузните светски дестинации – Малдивите. Егзотичните плажи, тиркизното море и ресортите од соништата станаа омилен избор за одмор по напорната новогодишна сезона.

Според туристичките агенции, за патување и престој на оваа атрактивна локација потребни се неколку илјади евра, зависно од луксузот и должината на одморот. Но, очигледно дека за ѕвездите тоа не претставува пречка кога станува збор за заслужен релакс.

View this post on Instagram

По бројните настапи за време на празниците, многумина решија да притиснат „пауза“ и да се наградат со одмор од бајките. Социјалните мрежи се преплавени со фотографии од бели песочни плажи, приватни вили над вода и романтични зајдисонца.

Меѓу оние кои оваа зима уживаат на Малдивите се и пејачот Дарко Лазиќ со својата партнерка, како и Дадо Полумента кој отпатува со семејството. На егзотичната дестинација престојува и атрактивната Марина Весковиќ, која редовно споделува фотографии во костими за капење и луксузни комбинации.

View this post on Instagram

Очигледно е дека Малдивите повторно се хит-дестинација меѓу познатите, а фотографиите кои ги објавуваат предизвикуваат лавина реакции и илјадници лајкови. Сонце, луксуз и одмор без компромис – токму така изгледа зимата на балканската естрада годинава.