НА 68 ГОДИНИ: Гитаристот на „Ролинг стоунс“ Рони Вуд повторно ќе стане татко

Гитаристот на „Ролинг стоунс“, Рони Вуд на 68 години по петти пат ќе стане татко. Неговата  30 години помлада сопруга Сали Хемфриз е бремена и чекаат близнаци.

– Сали и Рони Вуд се воодушевени што можат да ја објават веста дека очекуваат близнаци кои би требало да се родат во јуни 2016 година, изјави претставник на легендарниот бенд.

Двојката се венча во декември 2012 година во Лондон, по шест месеци забавување.

Вуд од поранешните бракови има четири деца и девет внуци.

Славниот гитарист е најмладиот член на „Ролинг стоунс“. Тој се придружи во групата во 1975 година.