Велигден во домот на Северина: „Нека воскресне љубовта“

Хрватската музичка дива Северина Велигденските празници ги помина опкружена со семејството, притоа споделувајќи искрена и топла празнична порака со своите следбеници на социјалните мрежи. Нејзината објава веднаш привлече внимание, не само поради емотивните зборови, туку и поради семејната атмосфера што зрачи од фотографијата.

На празничната трпеза во домот на Северина беа присутни нејзиниот син Александар, мајка ѝ Ана и внуката Миа со нејзиното семејство, создавајќи глетка исполнета со топлина, блискост и сплотеност.

Посебен детал кој ги воодушеви нејзините обожаватели беше појавата на новиот член во семејството – кученцето Миша, кое Северина неодамна го претстави како „најслаткото на светот“, додавајќи дека целото семејство е вљубено во неа.

ФОТО: Инстаграм

Во придружба на фотографијата, Северина напиша инспиративна порака во која ги потсети своите обожаватели на вредноста на љубовта, пријателството и повторното раѓање на надежта:

– „Нека воскресне сè што е разнишано… и среќата, и радоста, и смеата, и танцот, и пријателите, па дури и оние што не се, и љубовта, зашто таа го прави светот поубав. Среќен Велигден, драги мои.“

ФОТО: Инстаграм

Пораката доби стотици коментари со честитки и поддршка, а многумина ја пофалија автентичноста и нежноста што Северина постојано ја споделува со јавноста.

Иако Северина често споделува сцени од својот професионален живот, ваквите интимни моменти се ретки, што ја прави оваа објава уште поспецијална – не само за неа, туку и за нејзините илјадници следбеници.