Силно невреме во Куманово доцна попладнево

Силно невреме проследено со интензивни врнежи од дожд, ситен град на одредени локации, електрични празнења и силен ветер, што попладнево го зафати Куманово предизивика проблеми во централното градско подрачје.

Лимен кров од зграда, лоцирана спроти основото училиште „Браќа Миладиновци“, паднал врз паркиран автомобил „рено меган“, а ја турнал и заштитната ограда на училиштето. Нема повредени при овој несреќен случај. Станарите од зградата и сопственикот на автомобилот повикале полиција која ја блокираше улицата за сообраќај.

Невремето во кумановско започна околу 16.15 часот и траеше половина час. На неколку локации во Куманово силниот ветер откорнал и гранки од дрва.

Од ТППЕ Куманово информираат дека интервенирале на поплавени подрумски простории на улицата „Киро Фетак“.