fbpx
Поврзи се со нас
Маркетинг

Популарно.мк

Собранието се распушти, СДСМ нема да учествува на изборите на 5 јуни

Актуелно

Собранието се распушти, СДСМ нема да учествува на изборите на 5 јуни

Собранието на Република Македонија синоќа се распушти согласно одлукта што ја изгласаа пратениците на 23 февруари со цел одржување предвремени парламентарни избори на 5 јуни.

Претседателот на Собранието Трајко Вељаноски по изјаснувањето на пратениците за точките од дневниот ред на 98. седница вечерва изјави дека со тоа завршува мандатопт на актуелниот парламентарен состав.

– Бидејќи денеска завршува мандатот на овој парламентарен состав, би сакал на сите вас да ви се заблагодарам и да ви посакам во иднина, пред се, среќа и успеси како на личен така и на професионален план. Овој мандатен период и овој парламентарен состав помина низ многу тешки премрежја, но сепак успеавме сите заедно да реализираме и конкретни резултати во остварувањето на нашите стратешки определби, во градење на стабилна сегашност и подобра иднина. Јас лично како претседател на Собранието го изразувам моето задоволство и изразувам искрена надеж дека секој од нас без разлика на политичката припадност и на неговиот иден ангажман ќе продолжи да придонесува за добробит на Република Македонија и на сите нејзини граѓани, рече Вељаноски во кусото излагање.

Праниците на СДСМ не присуствуваа на седницата. И покрај нивното барање не беше свикана итна седница на која би биле контатирани оставките на нивните министри и заменици минстри што претходно во текот на денот ги поднесоа до претседателот на Владата за спроведување на изборите  Емил Димитриев.

Инаку, претседателот на Парламентот Вељаноски во телевизиско интервју пред два дена изјави дека денеска законодавниот дом ќе работи нормално, оти на 7 април Собранието ќе биде распуштено и, согласно неговите надлежности, тој ќе распише избори за 5 јуни.

– Како претседател на Собранието на Република Македонија, условно, можам да тактизирам наместо на седми април до петнаесети април да го потпишам решението за распишување и оддржување на изборите на петти јуни, за да и дадам можност на ДИК за продолжување, условно, на некои работи доколку евентуално не се завршени. Тоа се однесува околу делот на Избирачкиот список, бидејќи многу активности во ДИК за време на спроведувањето на изборите зависат од денот на потпишување на решението за распишување на избори од страна на претседателот на Собранието. Поради тоа јас по распуштањето на Собранието ќе разговарам со претседателот на ДИК и ќе му ја дадам таа опција за да може да имаат уште повеќе време за да ги дозавршат работите што би требало, рече Вељаноски.

Со договорот од Пржино од јуни/јули 2015 година постигнат од четирите најголеми политички партии ВМРО-ДПМНЕ, СДСМ, ДУИ и ДПА со посредство на ЕУ и САД, беше договорено изборите да се одржат на 24 април, но оваа одлука беше сменета на предлог на ДУИ со поддршка на ВМРО-ДПМНЕ. СДСМ не гласаше иако бараше одложување на изборите, поради како што наведуваа неисполнување на условите за фер, демократски и кредибилни избори. Одложувањето на изборите беше поддржано и од амбасадорите на САД Џес Бејли и на ЕУ Аиво Орав.

Лидерот на СДСМ Зоран Заев вечерва на прес-конференција во седиштето на партијата по распуштањето на Собранието, соопшти дека тие нема да учествуваат на предвремените избори на 5 јуни, бидејќи не се исполнети условите предвидени во договорот од Пржино.

Според него, избрирачкиот список се уште не е прочистен, не се спроведени реформи во медиумите, ниту е одделена партијата од државата.

– Без слободни избори нема слобода. Со месеци заедно се бориме за слободни и демократски избори, да се врати основиот демократски принцип еден човек еден глас. Да се варти правото на различно мислење. Договорот од Пржино беше потпишан тоа да се обезбеди. Никола Груевски постојано го рушеше договорот од Пржино. Избирачкиот список не се прочистува. Медиумските реформи не се прифатени. Притисоците продолжуваат, рече Заев.

Информативна Редакција

Главниот и одговорен уредник на веб порталот Популарно.мк. Ѓорги е перспективен новинар кој со својата креативност и талент го направи Популарно.мк дел од водечките информативни сајтови во Македонија. Во исто време е регионален известувач за CNN од Македонија и главен на продукцијата GPTM Production.

Повеќе од Актуелно

Маркетинг
ДО ВРВ
error: Содржината е заштитена со авторски права.