Поврзи се со нас
Маркетинг

Популарно.мк

Слеј се со природата

Колумни

Слеј се со природата

Човек ја чувствува слободата кога е сам во природа. Тишината на природата нѐ учи да се слушнеме себеси и подалеку од себе. Екотот, како природен феномен, ни ги враќа зборовите, ако сме кажале арно – арно ни враќа. Какви ни се мислите, таков ни е говорот, каков ни е говорот, таква ни е прородата. Каква ни е природата – таква е слободата. Потполна слобода на говор добиваме ако сме толерантни кон неистомислениците. 

„Уличарскиот” говор е реакција на рушење природни закони. Нашиот автентичен амбиент е природата, улицата е проекција на цивилизациски потреби. Уличните пресметки, некогаш регуларни двобои со секундант како сведок, сега се физички насилства пред камери во име на законот кои добиваат свое ново, проширено место за ,,решавање”.

Интернетот стана податлива алатка за уличните пресметки, вербалниот двобој се дигитализира во компјутерска анимација, па од интернетот повторно се симнува на улица и така во недоглед… Генералниот директориум за демократија на Советот на Европа спроведува кампања против говорот на омраза на интернет, веќе во 13 земји на ЕУ, со цел промоција на позитивните страни на интернетот, говор на љубовта, солидарноста, емпатија и позитивната комуникација. Природно би било да е така.

Арно ама, едно е да даваш насоки, сосема друго е да ги реализираш во дело. Пример примерот го следи или како првиот -така вториот… А кој прв почна ММЕ уличарско! Сега, како никогаш претходно сме ,,во скут” на интернетот, буквално зависиме од она што неодамна ни изгледаше како ушмукувач на нашата енергија па и душа, виртуелно шоу тајм! Сепак да не ја заборавиме убавината на прородата, дури и кога е загадена има перспектива во ветрот, дождот, снегот…

,,Не се сложувам со тоа што го зборувате, но секогаш ќе го бранам вашето право да си го кажете своето мислење” – Волтер. Секој има право да си ги каже мислењето, но нема право да навредува, омаловажува и хејта! Ако сме непослушни и вешти во избегнување казни, законот на природата ќе ни покаже кај ни е местото. Законот на природата е единствениот непоткуплив ЗАКОН!

Учениците ја обожаваат поради нејзината непосредност, пријателски однос и смисла за хумор. Професорката по македонски јазик во гимназијата „Корчагин“, Татјана Алексиќ е негувана дама која држи до себе.

Повеќе од Колумни

Маркетинг
ДО ВРВ
error: Содржината е заштитена со авторски права.