Анџелина Џоли се огласи за војната во Украина: Се молам за народот, мораме да им помогнеме на бегалците
Анџелина Џоли се моли за луѓето во Украина среде руската инвазија.
Во изјавата на Инстаграм, актерката – која исто така врши функција како специјален пратеник на Високиот комесаријат на ОН за бегалци (УНХЦР) – вели:
-Како и многумина од вас, се молам за народот на Украина. Мојот фокус, како и фокусот на моите колеги од УНХЦР, е да се направи сè што е во наша моќ за да се обезбеди заштита и основните човекови права на раселените лица и бегалците во регионот.
-Веќе видовме извештаи за жртви и луѓе кои почнаа да ги напуштаат своите домови за да бараат сигурност. Прерано е да се знае што ќе се случи, но значењето на овој момент – за народот на Украина и за меѓународното владеење на правото – не може да се прецени – рече Џоли (46).
Таа сподели и врска до изјавата на УНХЦР, во која се вели: „Ние сме сериозно загрижени поради брзото влошување на ситуацијата и тековната воена акција во Украина. Хуманитарните последици врз цивилното население ќе бидат поразителни. Во војната нема победници, но безброј животи ќе бидат растргнати.“
