Магазин

Кејт Мидлтон го слави својот 43. роденден: Принцот Вилијам и посвети емотивна објава

Од

Објавено на јануари 9, 2025

Британската принцеза Кејт денеска наполни 43 години, а нејзиниот сопруг, принцот Вилијам, и испрати јавна честитка во која ја нарече „најневеројатната жена и мајка“ и ѝ се заблагодари за силата што ја покажа во борбата против ракот.

Кејт го прославува својот 43-ти роденден дома во Виндзор со своето семејство, по завршувањето на хемотерапијата по дијагнозата на рак минатата година.

„До најневеројатната сопруга и мајка. Силата која ја покажа во изминатата година е извонредна. Џорџ, Шарлот, Луис и јас сме многу горди на тебе. Среќен роденден Кетрин. Те сакаме“ – стои во пораката.

View this post on Instagram
A post shared by The Prince and Princess of Wales (@princeandprincessofwales)

На фотографијата која ја објави принцот Вилијам, ја гледаме Кејт Мидлтон во фармерки, бела поло кошула, црна палто и кариран шал, како насмеана позира со рацете во џебовите. На нејзината рака блеска нејзиниот претпознатлив веренички прстен, кој долго време не го носеше за време на хемотерапијата.

По повод роденденот на принцезата од Велс, и кралот Чарлс и кралицата Камила се огласија на нивните официјални профили на социјалните мрежи за да и го честитаат роденденот.

Тие споделија фотографија од Кејт од божиќната забава во Сандрингем, на која таа е во прекрасен темнозелен оутфит и држи букет цвеќе. Накратко напишаа: „Среќен роденден на принцезата од Велс“.