Дејвид Бекам го прослави 50-тиот роденден: Најстариот син Бруклин не присуствуваше на гламурозната забава

Дејвид Бекам, еден од најпознатите британски спортисти на сите времиња, наполни 50 години на 2 мај, а својот роденден го прослави на неколку забави и на различни локации.

Славеничката турнеја започна со предроденденска забава во Мајами минатиот месец, продолжи со семејно собирање во неговата луксузна селска куќа вредна 10 милиони фунти во англискиот Котсволдс, потоа во Париз, а врвот на прославата се случи во Лондон во ексклузивниот ресторан „Кор од Клер Смит“.

На забавата присуствуваа бројни познати гости, меѓу кои холивудскиот актер Том Круз, режисерот Гај Ричи, актерката Ева Лонгорија, поранешниот соиграч на Дејвид, Гари Невил, познатиот готвач Гордон Ремзи, спортскиот агент и најдобриот пријател на Дејвид, Дејв Гарднер…

View this post on Instagram

A post shared by Victoria Beckham (@victoriabeckham)

Со Дејвид, како и секогаш, беше неговата сопруга Викторија Бекам, поранешна членка на групата „Спајс грлс“, а денес успешна модна дизајнерка, како и нивните деца Ромео (22), Круз (20) и Харпер (13). Синовите Ромео и Круз изгледаа елегантно во костуми, додека Харпер носеше иста креација како мајка си. Нивните фустани доаѓаат од ателјето на Викторија.

Најстариот син Бруклин (26), кој живее во САД со сопругата Никола Пелц (30), не присуствуваше на прославата што дополнително ги засили шпекулациите дека има несогласувања помеѓу нив.

View this post on Instagram

A post shared by David Beckham (@davidbeckham)

Отсуството од забавата доаѓа кратко откако беше објавено дека Бруклин и помладиот брат Ромео „не се во контакт“, поради „кавга“ меѓу нив. Тие, исто така, не присуствуваа на прославите за роденденот на Викторија во април, ниту испратија јавна порака за Денот на мајките во март. Пелц-Бекамови не присуствуваа на семејните прослави во Мајами и Франција, ниту на големата забава во вилата на Бекамови во Котсволдс.