Магазин
Кејт Мидлтон хоспитализирана по операција на абдоменот: Ги откажа сите јавни ангажмани
Кенсингтонската палата објави соопштение во кое се вели дека принцезата од Велс, Кејт Мидлтон, била подложена на „планирана операција на абдоменот“ во клиника во Лондон.
„Принцезата вчера беше примена во болница на планирана операција на абдоменот. Операцијата беше успешна и се очекува да остане во болница десет до четиринаесет дена, пред да се врати дома за да продолжи да закрепнува“, се вели во соопштението. „Врз основа на сегашните медицински совети, тешко дека ќе се врати на јавните обврски до Велигден“.
Кејт ги замоли медиумите и јавноста за разбирање бидејќи сака да ги задржи информациите за нејзиното здравје приватни, а палатата ќе споделува само суштински информации за нејзиниот напредок.
„Принцезата од Велс би сакала да му се извини на сите што се загрижени поради фактот што мора да ги одложи своите претстојни ангажмани. Таа со нетрпение очекува да се врати што е можно поскоро“, додаваат тие.
Принцот Вилијам, исто така, се разбира дека ги намалува јавните обврски за да ја поддржи својата сопруга за време на нејзиното закрепнување и да се грижи за нивните три деца, принцот Џорџ, принцезата Шарлот и принцот Луис. Тој нема да ги извршува службените обврски додека принцезата Кејт е во болница или во првите денови од закрепнувањето дома, пишува магазинот People.
Принцезата Кејт минатата недела го прослави својот 42 роденден. Пред тоа, таа се појави со семејството на Бадник и Божиќните миси.
