Магазин
Трите „пријателки“ заедно го прославија 4-ти јули
Тие останаа блиски од времето кога заедно стекнаа слава во популарната серија „Пријатели“.
Кортни Кокс објави селфи на нејзиниот Инстаграм профил како го прославува Денот на независноста заедно со Лиса Кудроу и Џенифер Анистон.
На другата фотографија што ја објавила Кортни, може да се забележи дека со нив е и познатата актерка Лора Дерн.
Кокс, Кудроу и Анистон станаа многу популарни со премиерата на „Пријатели“ во септември 1994 година. Трите дами заедно со нивните машки колеги Дејвид Швимер, Метју Пeри и Мат Лебланк, преку ноќ станаа сензација насекаде низ светот.
Серијата имаше 10 сезони и заврши во мај 2004 година.
Шесте ѕвезди неодамна се обединија за да ја снимат специјалната епизода која се емитуваше на HBO Max.
