Њујорк – американски град со најскапи цигари

Градоначалникот на Њујорк, Бил де Блазио потпиша закон со којшто минималната цена за кутија цигари во градот се покачува од сегашните 10,5 на 13 долари, јави „Ју-Ес-Еј Тудеј“.

Се намалува и бројот на местата каде што ќе може да се купат цигари. Во новата цена е вклучен и данокот. Така, Њујорк станува градот каде што може да се купат најскапите цигари во САД.

Целта, како што соопштуваат локалните ввласти, е да се намали бројот на пушачи, кои моментно бројат околу 900.000. Во Њујорк живеат околу 8,5 милиони луѓе.

Противниците на новите мерки сметаат дека покачувањето на цените ќе натера многу пушачи да купуват цигари на црно – без бандероли и неоданочени.