Како скопската кафетерија „The Dude Specialty Coffee“ успеа да влезе во Топ 100 кафетерии во светот?

Скопската кафетерија „The Dude Specialty Coffee“, која веќе четири и пол години го нуди најдоброто кафе во Скопје, доби признание за својата посветеност и страст во работењето.

Таа влезе во престижната Топ 100 кафетерии во светот на мадридскиот кафе-фестивал. Врз основа на 60.000 гласови и одлуката на седум професионални судии, кафетерии од сите континенти беа оценувани, а „The Dude Specialty Coffee“ го освои 63. место.

Мирче Чашуле, сопственик на кафетеријата, изјави:

• „Ова е огромно признание за целиот тим на „The Dude Specialty Coffee“, како и за растечката специјализирана кафе-сцена во Скопје. Кога го отворивме кафулето, целта беше да се познаеме по доброто кафе, а сега имаме потврда за тоа на меѓународен план. Ова ни дава уште поголема мотивација да продолжиме со одржување на високите стандарди на квалитет и да нудиме незаборавно кафе за сите љубители на овој изванреден производ“.

Критериумите за избор вклучуваат квалитет на кафето, искуството и подготвеноста на персоналот, услугата, иновативноста во работењето, амбиентот и конзистентноста на производот.

Покрај оваа престижна награда, кафулето беше прогласено и за најдобро Спешлти Кофи во Македонија за 2024 година според глобалниот водич за Спешлти Кофи.