„Форбс“ го препорача македонскиот филм „Диџеј Ахмет“ како филм што мора да се гледа во 2025

Филмот „Диџеј Ахмет“ на Георги М. Унковски, приказна за млад овчар кој сонува да стане диџеј, беше препорачан од „Форбс“ како еден од шесте највозбудливи филма за 2025 година.

Критичарот Скот Филипс го опишува како свежа и емотивна приказна, полна со хумор, музика и соништа, споредувајќи го со „CODA“.

Филмот ги обработува темите на генерациски судири, старите општествени норми и следењето на сопствените соништа, со шармантен кастинг и уникатна атмосфера.