Меган доби дијамантски обетки од принцот Хари за Денот на вљубените

Принцот Хари ја изненади Меган Маркл со луксузен подарок за Денот на вљубените – дијамантски обетки вредни 3.600 долари, пренесуваат британските медиуми.

Станува збор за „Diamond Cascade“ обетки од дизајнерката Маја Бренер, чиј накит Меган го носеше и во минатото. Во 2017 година, таа беше фотографирана со ланче со буквите „Х“ и „М“, што предизвика огромен интерес за брендот.

Дизајнерката тогаш откри дека била воодушевена, но и загрижена поради можниот бран нарачки. „Тоа беше како Лас Вегас машина – еднаш ја повлекуваш рачката и сè почнува да се врти“, изјави таа за „Hello!“.

Иако војводата и војвотката од Сасекс се повлечени од кралските должности, нивниот стил и секој чекор сè уште привлекуваат големо медиумско внимание.