Снимките на енергетски млаз од супермасивна црна дупка откриваат нови детали за физиката на вселената

Супермасивните црни дупки во центарот на галаксиите се едни од најмистериозните објекти во вселената. Но, новите набљудувања на енергетски млазови кои излегуваат од нив, можат да донесат повеќе светлина во темнината.

Астрономите првпат успеаја да снимат еден таков млаз кој излегува од супермасивната црна дупка во галаксијата Месиер 87.

Ова истражување може да помогне да се раскријат тајните на тоа како црните дупки се хранат и како исфрлаат енергетски млазови. Многу галаксии имаат супермасивни црни дупки во центарот, но сѐ уште не е јасно од каде доаѓаат млазовите.

Според научниците, можат да потекнуваат од зоната околу црната дупка во која време-просторот се врти заедно со неа.