Шоубиз

Единаесет минути во Вселената: Кети Пери, Лорен Санчез и уште 4 славни жени успешно слетаа на Земјата

Од

Објавено на април 15, 2025

Пејачката Кети Пери, телевизиската водителка Гејл Кинг, новинарката и свршеница на Џеф Безос, Лорен Санчез, поранешната научничка на НАСА Ајша Боу, филмската продуцентка Керијан Флин и активистката за граѓански права Аманда Нгуен во понеделникот на кратко ја посетија вселената.

View this post on Instagram
A post shared by Blue Origin (@blueorigin)

Тие отпатуваа во вселената со ракетата New Shepard 31 од Blue Origin, компанија во сопственост на Џеф Безос, американскиот бизнисмен кој ја основа онлајн продавницата Amazon и кој претседава со нејзиниот Управен одбор. Станува збор за ракета која наводно може да се користи повеќекратно, а која нема пилот.

Летот траеше само 11 минути, а учесниците достигнаа височина од приближно 100 километри над Земјата – точно до линијата Карман, границата помеѓу атмосферата на Земјата и вселената.

View this post on Instagram
A post shared by Blue Origin (@blueorigin)

Откако капсулата безбедно слета со падобран во пустината Тексас, Џеф Безос беше меѓу првите што ги пречека. Прво ја прегрна Лорен, а потоа излезе Кети Пери и ја бакна земјата, како и емотивната Гејл Кинг. На збогувањето и враќањето на оваа „женска вселенска екипа“ се собраа многу познати личности – меѓу нив Опра Винфри, Крис Џенер и Клое Кардашијан, како и бројни љубопитни луѓе кои ја следеа оваа историска мисија.