Успешно одржан самитот АСЕЕ x ИБМ во Скопје со над 50 учесници

На 29 декември, во хотелот Парк во Скопје, се одржа самитот АСЕЕ x ИБМ, настан посветен на најновите трендови во областа на дигиталната трансформација, следењето на системи и вештачката интелигенција.

Самитот, организиран од ASEE во соработка со IBM, привлече повеќе од 50 учесници – претставници од компании, ИТ експерти и професионалци од различни индустрии, кои имаа можност да се запознаат со современи технолошки решенија и практики.

Настанот започна со поздравно обраќање, по што следуваа презентации на теми поврзани со:

• напредно следење на целиот ИТ-систем со поддршка на вештачка интелигенција
• модерни решенија за управување со податоци и инфраструктура
• оптимизација и автоматизација на деловните процеси

По официјалниот дел, учесниците имаа можност за вмрежување и размена на искуства.

Во својата изјава, Горан Петревски од ASEE истакна:

– „Овој настан ја потврдува растечката потреба од решенија кои овозможуваат подобра видливост, поефикасно управување и автоматизација на системите. Заедно со IBM, остануваме посветени на поддршка на компаниите во нивната дигитална трансформација и примена на иновативни технологии.“

ASEE и IBM и во иднина ќе продолжат со активности насочени кон едукација, иновации и унапредување на ИТ екосистемот во регионот.