Над 800 експерти и компании од Балканот пристигнуваат во Скопје за најголемиот настан во е-трговијата

Скопје на 4 ноември ќе пулсира во ритамот на дигиталната економија. Главниот град ќе биде домаќин на 8. Регионална конференција за е-трговија, под мотото „E-COMMERCE: FASTEN THE FUTURE“, која и оваа година ќе ги собере водечките имиња од светот на онлајн трговијата, технологијата и иновациите.

Организаторот, Асоцијацијата за е-трговија на Македонија, најавува најголемо издание досега — со повеќе од 800 регистрирани учесници од целиот Балкан, како и гости од водечки глобални компании.

Две сцени, десетици експерти и теми што ја обликуваат иднината

Новитет на овогодинешното издание е паралелното одржување на две сцени, кои ќе понудат комбинација на инспирација и практична примена.
На главната сцена ќе зборуваат експерти од светски брендови како Dolce & Gabbana, TikTok, Booking.com, Wolt, Publicis Groupe, Direct Media, Bigburg, Korpa и Brainster Next, кои ќе ги споделат своите искуства и визии за иднината на онлајн трговијата.

Меѓу темите што ќе се обработуваат се:

• улогата на вештачката интелигенција во безбедноста и персонализацијата на купувањето,

• развојот на автономни AI агенти,

• влијанието на инфлуенсерите и содржината врз современото онлајн купување,

• податоците како нова валута на дигиталниот свет.

Паралелно, на hands-on сцената, учесниците ќе имаат можност директно да учат преку интерактивни сесии:

• онлајн плаќања и интеграции со Halkbank,

• анализа и искористување на податоци,

• создавање на кратки видеа,

• користење AI алатки,

• совети за аплицирање за грантови, инвестиции и партнерства.

Интерактивно искуство, експо-зона и нетворкинг можности

Покрај предавањата, конференцијата ќе понуди и експо-зона каде што компаниите ќе ги презентираат своите најнови решенија и технологии.
Преку мобилната апликација на конференцијата, учесниците ќе можат да закажуваат состаноци, да се вмрежуваат и да ги следат сите детали за програмата.
Нетворкинг-зоната ќе биде местото каде што идеите ќе се претвораат во соработки, а визиите – во заеднички проекти.

Огромен интерес и ограничен број карти

Со повеќе од 800 потврдени учесници и силно присуство на регионални и глобални брендови, овогодинешната конференција ветува да биде највпечатливото издание досега.
Интересот е огромен, а во продажба се останати само неколку последни карти, достапни преку ecommerceconference.mk.