Бред конечно и се извини на Џенифер

Бред Пит и Џенифер Анистон се венчаа во 2000 година во Малибу по две годишна љубовна врска, а често  се сметаа за совршена двојка, се додека Бред не се вљуби во фаталната Анџелина, за време на снимањето на филмот „Господин и госпоѓа Смит“, која една година претходно се разведе од актерот Били Боб Торнтон.

Врз Анџелина веднаш започна „медиумско линчување“, како уништувач на бракови, а се шпекулираше и дека нејзината врска со Бред траела и претходно, пред тој официјално да прекине со Џенифер во 2005 година, иако таквите гласини никогаш не беа потврдени. Џенифер во едно интервју тогаш кратко и дамски го коментираше разводот.

Но, во септември 2016 година порталот ТМЗ прв ги пренесе вестите дека Анџелина поднела барање за развод и за старателство над децата. Се шпекулираше дека Бред ја изневерувал, психички злоставувал, пиел и бил насилен кон нивните деца, па нивното прекинување со денови беше главна тема на сите насловни страници.

Во „жолтиот печат“ почна повторно да се споменува и името на Џенифер Анистон, која среќата ја пронајде во вториот брак со актерот Џастин Терукс. Повторно ѕвездата на серијата „Пријатели“ остана дама, иако еден дел од неа врескаше „тоа е карма“.

Повеќе од десет години, откако и го скрши срцето, Бред конечно одлучи да и се извини на поранешната сопруга.

– Бред поради проблемите со алкохолот се пријави на терапија и по опоравувањето научи подобро да ги изразува своите чувства.  Џенифер беше прва на списокот луѓе на кои им се отвори. Сфатил се што направил и се извини. Таа му рече дека му простува и дека треба да се сконцентрира на иднината, откри извор близок на актерката.