Џејсон Деруло: „Македонијо, Ве чекам на 2 август на најдобрата забава на светот“

Светската сензација Џејсон Деруло предизвика вистинска еуфорија на социјалните мрежи откако објави видео на својот Инстаграм профил, во кое лично ги поканува своите обожаватели на неговиот претстоен концерт на 2 август во Охрид. Она што го привлече вниманието на јавноста е неговата порака, во која топло ја спомена Македонија.

Со својот препознатлив шарм и енергија, Деруло во видеото ги покани фановите со зборовите: „Македонијо, Ве чекам на 2 август на најдобрата забава на светот, со најдобрите танчери и музичари. Се гледаме“ – кажа тој.

За кратко време, објавата стана вистински хит, собирајќи илјадници лајкови и коментари од неговите следбеници ширум светот, а особено од оние кои со нетрпение го очекуваат спектаклот на македонската сцена.

– Ве известуваме дека интересот за претстојниот концерт на Џејсон Деруло во Охрид ги надмина сите очекувања! Веќе од првиот ден, продажбата на билети руши рекорди. За помалку од 24 часа, повеќе од 1.000 карти веќе се во рацете на најголемите обожаватели, а тоа е уште една потврда дека ова ќе биде еден од најочекуваните настани на годината. Ви препорачуваме да ги обезбедите вашите билети што е можно поскоро, за да не го пропуштите овој историски момент, вели организаторот „Прагма продукција“

Бидете дел од оваа историска вечер – купете го својот билет и подгответе се за настан што ќе се памети со години! 2 август „Билјанини извори“ – Охрид.

Картите се пуштени во продажба и истите може да ги најдете преку продажната мрежа на www.kupikarta.com, Розе Веро 2 и ЈК травел во Бисер.