Џенифер Лопез се подготвува да го освои Лас Вегас

Убавата Џенифер Лопез наскоро се подготвува да го освои Градот на гревот, како што популарно се нарекува Лас Вегас и таа не ја крие возбудата поради тоа.

Нејзиниот претстој во Планет Холивуд Хотелот и казино каде досега пееле Бритни Спирс, Селин Дион и Мараја Кери, ќе биде со многу изненадувања и специјални ефекти, како што открива таа, а ќе започне на 20 јануари 2016 година.

– Ова се многу поинтимни настапи, отколку кога сте на турнеа. Додека на концертите има околу 10 – 20 илјади луѓе, тука има само четири до пет илјади, така што и чувството е поинакво. Многу сум возбудена затоа што луѓето најпосле ќе можат да ја почувствуваат мојата вистинска енергија, откри Џенфер во неодамнешното интервју.

На плакатот кој ги најавува нејзините настапи Џенифер е облечена со фустан од дијаманти, а со оглед на тоа како изгледаат нејзините костими за настапи, може да се претпостави како ќе изгледаат оние се наменети за Вегас.

– Овој пат имаме друг тим  за костимите, затоа што сакаме тие да бидат екстравагантни. Сакаме луѓето да останат без зборови кога ќе ги видат, призна 46 годишната Џенифер.