Џенифер Лопез на премиера со своето небинарно дете Ема – стил и емоции на црвениот тепих

Американската пејачка и актерка Џенифер Лопез се појави на премиерата на претставата „Отело“, каде што главните улоги ги толкуваат Дензел Вашингтон и Џејк Гиленхал. Познатата ѕвезда пристигна во друштво на своето 17-годишно дете, Ема, кое веќе неколку години јавно се идентификува како небинарно и ги користи заменките тие/ним (they/them).

Гламурозен изглед и порака на поддршка

Лопез блескаше во црн топ и здолниште украсено со кристали, додека Ема избра класичен сив костум со тенки пруги, комбиниран со минималистички аксесоари. Нивното заедничко појавување предизвика внимание и симпатии кај фановите, кои ја поздравија поддршката што Џеј Ло ја дава на своето дете.

Семејни односи и љубовна историја

Покрај Ема Марибел Муниз, Лопез го има и синот Макс Дејвид Муниз, кои ги доби во бракот со пејачот Марк Ентони. Двојката се венчаше во 2004 година, но нивниот брак заврши со развод во 2014 година.

Претходно, Џеј Ло беше во врска со актерот Бен Афлек, со кого повторно се спои по неколку децении. Нивниот однос беше бурен, но во февруари оваа година официјално ставија крај на својот брак.