Мајли Сајрус ќе глуми во телевизиската серија на Вуди Ален

Легендарниот режисер и сценарист Вуди Ален подготвува телевизиска серија за Амазон, а за една од улогите ја ангажираше поп-ѕвездата Мајли Сајрус, која со новата работа веднаш се пофали на нејзиниот Инстаграм.

Сајрус ќе игра во серијата со Ален и Елен Мај.

Станува збор за за шест получасовни епизоди чија приказна е сместена во 60-тите години на 20-тиот век. Снимањето почнува во март. Целиот проект се уште нема име, пишува Њујорк тајмс.

Заради неговата репутација, Вуди Ален за своите проекти може да добие врвни актери или славни личности за многу пониска плата, отколку што би добиле во класичните холивудски филмови.

Мајли Сајрус славата ја стекна во Дизниевата телевизиска серија Хана Монтана.