Втората сезона на „Squid Game“ собори рекорди на гледаност, а третата сезона доаѓа побрзо отколку што очекувавте

Очекувано, втората сезона на „Squid Game“ веднаш постигна успех.

Премиерата на втората сезона на „Squid Game“ имаше 68 милиони прегледи во првите четири дена од премиерата – повеќе од која било друга серија на Нетфликс во првата недела од емитувањето, соборувајќи го рекордот поставен од серијата „Wednesday“ со 50,1 милиони прегледи во 2022 година.

Сезоната, исто така, брзо се најде на листата на Нетфликс на најпопуларните ТВ наслови на неанглиски јазик на сите времиња, рангирана на 7-то место, мерено преку првите 91 ден на гледаност на секоја серија.

Втората сезона на корејската серија, која следи стотици финансиски проблематични луѓе кои учествуваат во смртоносни игри како би освоииле пари што може да им го променат животот, беше објавена на 26 декември, три години по нејзината рекордна премиера во 2021 година.

Новата сезона го носи враќањето на Ли Јунг-јае како Сеонг Ги-Хун/Играч 456, кој се обидува да се инфилтрира во игрите и да стави крај на нив еднаш засекогаш. Иако втората сезона ги импресионираше критичарите и гледачите со нови ликови и приказни, нејзиното финале преполно со акција предизвика поделени мислења.

View this post on Instagram

A post shared by Squid Game (@squidgamenetflix)

Третата и последна сезона на хит трилерот на Нетфликс се очекува да биде премиерно прикажан во 2025 година.

Во новото интервју за Variety, креаторот на „Squid Game“, Хванг Донг-Хјук откри дека нема да чекаме долго за продолжение.

„Во овој момент, сè што би можел да кажам би било спојлер, па затоа сакам да бидам внимателен“, рече тој. „Но, она што можам да го кажам е дека по емитувањето на втората сезона, верувам дека наскоро ќе го објавиме датумот на излегување на третата сезона“. Очекувам да биде премиерно прикажан некаде во текот на летото или есента следната година.“